સંબંધો

કેટલાક સંબંધો
ગુલમહોરિયા કે પછી ગરમાળિયા હોય છે;
ભરઉનાળે આંખોને ટાઢક અને જીવનને રંગદીક્ષા આપે તેવા.

કેટલાક સંબંધો
બોગનવેલિયા હોય છે;
સુગંધ નહિ, ફક્ત શોભા વધારનારા.

કેટલાક સંબંધો
બાવળિયા હોય છે;
ઉપયોગી, તો ય કાંટાળા.

કેટલાક સંબંધો
વડલાની શીળી છાયા જેવા ઉપકારક,
તો કેટલાક લીમડા જેવા ગુણકારી.

કેટલાક સંબંધો
વસંતમાં ખીલેલી આમ્રમંજરી જેવા,
તો કેટલાક પારિજાત જેવા સુવાસયુક્ત હોય છે.

કેટલાક સંબંધો
ગુલાબી, તો કેટલાક મોગરાની મહેક જેવા હોય છે.

અને કેટલાક સંબંધો
'ઓફિસ ફૂલાવર્સ' જેવા હોય છે,
સવારે ખીલે અને સાંજે બિડાઇ જાય..💞

- ગુણવંત શાહ

એક કડવો અનુભવ

સમય જયારે ખરાબ હોય અને ખીચ્ચામાં એક પણ રૂપિયો ના હોય અને હાથમાં કામ નાં હોય ત્યારે તે લોકો ને તેને લાત મારતા વાર નથી લાગતી..

(એક કડવા અનુભવ પરથી)

વેઇટ ન કર

હું ન આવું તો તું બહુ વેઇટ ન કર;
બસ તું આવવામાં કદી લેઇટ ન કર.
પ્યાર ન કરવો હોય તો ન કર મને;
તારી મરજી, પણ મને હેઇટ ન કર.
મળતા મળતા મળી જશે તનમન;
વચમાં કોઈ ભીંત તું ક્રિયેટ ન કર.
ફકત લૉગ ઓન થા દિલ પર તું;
ભલે સ્ટેટસ તારું અપડેઇટ ન કર.
રાહ પ્રેમના હોય છે થોડા ટેઢામેઢા;
મજા તો જ છે, એને સ્ટ્રેઇટ ન કર.
થોડીક ભૂલો મને કરવા દે પ્રેમમાં;
તું ય કર,બધું જ એક્યુરેઇટ ન કર.
જેવી છું એવી જ રહેવા દે જે મને;
ખોટા વખાણી મને તું ગ્રેઇટ ન કર.
યાદમાં મારી નાહક આમ રડી રડી;
મસ્ત મસ્ત આંખો ઈરીટેઇટ ન કર.
તારા મૌનને સમજી જાય.
તારા અબોલાને ટ્રાન્સલેઇટ ન કર.

ભરપૂર મોસમ મોકલ

"ભરપૂર મોસમ મોકલ"

ભરપૂર મોસમ મોકલ
છલોછલ મોસમ મોકલ
સંતાડી ને લઇ જા ગરમીને
ઋતુઓ ની રાણી મોકલ

ઝરમર ઝરમર પોરાં મોકલ
ભીના પવન ના ઝોંકા મોકલ
જીવ રૂંધાય છે આ લહાય માં
માટી ની મીઠી મહેક મોકલ

લીલીછમ લીલોતરી મોકલ
સાવન ની કંકોત્રી મોકલ
કોરા કટ આકાશ ને ઢાંક
વાદળો ની ભરમાર મોકલ

ત્રાંસો મીઠો વરસાદ મોકલ
સહુથી પાવન પરસાદ મોકલ
ઉતારું આરતી મેહુલા ની
ગડગડાતી નો સાદ મોકલ...

Exam

Very true poem for parents whose child is appearing for board exams :

“કવિતાની છાલ તમે છોડો કે,
દીકરો દસમામાં આવ્યો
કોક ટ્યુશન વાળાને હાથ જોડો કે દીકરો દસમામાં આવ્યો

ટેનીસથી ઉંચક્યો ને સ્વીમીંગમાં નાખ્યો,
અર્ધો ભીંજાયો કે સ્કેટિંગમાં નાખ્યો,

સાન્તાક્લોઝ લાવ્યા ને દાદા ભૂલાયા,
ડેડી ને ડેડ કીધું ત્યારે હરખાયા,

ભલે હાંફ્યો ને તોય કહ્યું, “દોડો !” કે દીકરો દસમામાં આવ્યો.

દીકરાને ગમશે શું, એ ક્યાં વિચાર્યું !
આપણી જ ઇચ્છાનું ભારણ વધાર્યું,

ઢાળ જોઈ દોડ્યા ને દોડાવ્યે રાખ્યું,
એક ઘડી થોભી એ ન વિચાર્યું –
આ દીકરો કે રેસ તણો ઘોડો ! કે દીકરો દસમામાં આવ્યો.

હાલરડાં ગાઈ જેને હેતે સુવાડ્યો,
કાચી નીંદરમાંથી એને જગાડ્યો,

ભણતરના ભાર તણો થેલો ઉપાડ્યો,
આંખો ન ઉઘડી ત્યાં ચોપડો ઉઘાડ્યો !

એ તો સપનું જોવામાં પડે મોડો કે
દીકરો દસમામાં આવ્યો.
સઘળાને નંબર વન શાને બનાવવા ?
આટલા વિદ્વાનોને ક્યાં જઈ સમાવવા ?

સાથે મળી સૌ બેસો વિચારવા
ક્યાં સુધી છોકરા ને રોબો બનાવવા ?

કૈક એની મરજી પર તો છોડો કે દીકરો દસમામાં આવ્યો.

ટકા ઓછા આવશે તો લોકો શું કહેશે,
લોકોની લાય ભોગ છોકરાનો લેશે,

કરગરતા મા-બાપો ભિક્ષુક ને વેશે,
ભણતરની આ હાલત ઋષીઓના દેશે ?

કોક વિરલા હવે આ વિષચક્ર તોડો કે
દીકરો દસમામાં આવ્યો.