કેમ છે....?
ઓચિંતુ કોઇ મને રસ્તે મળે
ને કદી ધીરેથી પુછે કે કેમ છે...?
આપણે તો કહીએ દરિયાશી મોજમાં
ને ઉપરની કુદરતની રહેમ છે......
ફાટેલાં ખીસ્સાની આડમાં મુકી છે અમે
છલકાતી મલકાતી મોજ
એકલો ઉભુ ને તોય મેળામાં હોઉં એવું
લાગ્યા કરે છે મને રોજ
તાળુ વસાય નહીં એવડી પટારી માં
આપણો ખજાનો હેમખેમ છે
આપણે તો કહીએ કે.....
આંખો માં પાણી તો આવે ને જાય
નથી ભીતર ભીનાશ થતી ઓછી
વધ-ઘટનો કાંઠાઓ રાખે હિસાબ
નથી પરવા સમંદર ને હોતી
સુરજ તો ઉગે ને આથમીયે જાય
મારી ઉપર આકાશ એમનેમ છે
આપણે તો કહીએ કે......
★ધ્રુવ ભટ્ટ
- Via Messenger
No comments:
Post a Comment